A re emeleng ditshupo tsa temo thuo ka dinao

Fela jaaka re bona gompieno, di simolola di tshwarwa kwa magaeng mme di felele di tshwara mo motse mogolo Gaborone ka Natioanal Agricultural Show. E re di tshwerwe, a ke kwa magaeng, a ke mo Gaborone, morafe o tshologe go tla go bona tse di supiwang.

Ka gore temo thuo e namile, go fitlhelwe dilo tse dintsi.  Balemi ba tle ka dijwalo ka go farologana. Barui le bone ba tle ka loruo lo lo farologanyeng. Bangwe ba tle go supa matsopa a dikgomo ka go farologana ga one, bangwe ka dihutshane, ba bangwe ba tle ka ‘sika loo nonyane. E re go natefisa letsatsi le, nako nngwe go nne le metshameko e e farologanyeng, mongwe wa yone e le lebelo la dipitse. Go nne monate thata.