A re tlhafuneng rotlhe

Bonno jwa bone bo tshwanetse jwa kgabisiwa sentle ka dithunya le tse dingwe fela jalo. Gape, se se botlhokwa ke go beela sebui sa tlotla, kana ba ba mo patileng, metsinyana go kolobetsa dikgokgotso, ka gongwe ba a bo ba nyorilwe go tsweng mosepele o ba o tsamaileng.

A e re phuthego e ntse e tsweletse, re lemoge gore batho ba re ba laleditseng go tla pitsong, e leng morafe, le bone ba tlaa bo ba tla ba nyoretswe melaetsa mme bangwe ba tle ba sa fitlhola, le fa e le one metsinyana a a bothito tota, ba sa a goduma.