Maburu a kile a tlhasela � KGAOLO 3

Morago ga matlhotlha pelo ao, lefatshe ka bophara le ne la gakgamadiwa ke go nna moriti o tsididi le go iphitlheng ka monwana ga boeteledipele jwa lefatshe la Aferika Borwa.

Wa ntlha go kgabola lebadi la ba masika le ditsala tsa baswi, e ne ya nna tona ya mafatshe a sele ka nako eo, Pik Botha, yo aneng a re, “Masole a rona a ne a sena ka fa a ka dirang ka teng fa e se go sireletsa Aferika Borwa le batho ba yone kgatlhanong le matshosetsi a a golelang pele a ditlhaselo tsa batshabi, ba ba dirang ditlhaselo bale ko Botswana,” mafoko a, a ga Botha, a gatisitswe mo pampiring ya dikgang ya The Star ka Seetebosigo a le lesome le bone ka ngwaga wa 1985.