Matshidiso Osi e ne e le naledi tota

Dingwe tsa dinaledi tse,  tse go itsiweng gore fa go buiwa ka motshameko o, ga gona jaaka maina a tsone  a ka tlhoka go amiwa, Nngwe ya dinaledi tse ke Matshidiso Osi-Moses o lefatshe leno le hutsafetseng thata go tlhokafala ga gagwe ka  Matlhatso.

Naledi e ne ya re ngwaga ya 2015 ya nna le lesego la go bua le ene mo potsolotsong mabapi le motshameko o wa thenese ya tafole, tota mabaka e le go tlhotlhelediwa ke go bona ka fa a tlhorontshang ba bangwe ka teng mo dikgaisanong ka go farologana ga tsone, bogolo jang mo gae mo a neng a nna fela a itlhomile kwa setlhoeng.