Nkgwana Irene Segokgo Thakadu, morg, morata ngwao

Kamogelo ke ya menyenyo, keletso metsi a pula a tswa phoisaneng mme mo puisanong le mme Segokgo, o gatelela botlhokwa jwa go tlotla ngwao e a reng fa e sa agelwe mosako e ka nyelela kana e tswe Batswana diphatlheng tsa menwana.

Nkuku o simolola ka go bolela fa ele ngwana wa ntlha wa ga Rre Tonki Pitlwane le Mme Baitshwenye Matlapeng ana le bo monnawe bale bararo. A re batsadi ba gagwe ba gorogile mo Bechuanaland go tswa kwa Aferika Borwa ka di nako tsa dintwa tsa maburu le merafe e mengwe bogologolo, mme ba iphalotsa go fitlhela ba thibelela gone mo Tlokweng. Nkuku Nkgwana a re o tsholetswe mo motseng wa Tlokweng ka ngwaga wa 1936 ebile o goletse mo go o ne kwa kgotleng ya Tshwene-Tshwene.