Kgalapitse e gataka Seshoboloko

Se mme se diragetse fela jalo ka erile ngwaga ya 2017 e goroga khwaere e tona ya Seshoboloko ya supa fa e babaletswe ke kgatlampolo ya Kgalapitse, mo e neng ya ngala maduo.

Ntwa ya dikhwaere tse pedi tse, e simologile ka malatsi a keresemose ka loeto la Kgalapitse kwa lebaleng la Seshoboloko. Pele ga di kopana mo lebaleng, dipuo di ne di le mafaratlhatlha, ka bangwe ba ne ba re Seshoboloko e tona thata mo Kgalapitse, fela bangwe bone ba re Kgalapitse e bogale go gaisa thipa ya monna a rata dinama.