Mmegi Blogs :: A go a nyalana?
Banners
Banners
Banners
Banners
Last Updated
Friday 25 May 2018, 14:11 pm.
Banners
A go a nyalana?

Fa a ntse a tla le mahulo Mmualebe, a kopana le Dikgang/Daily News, gompieno e bua ka moletlo mongwe wa kabo dimpho, o go bolelwang e ne e le wa dikole tsa Jwaneng le Maokane. Ga twe moletlo o, e ne e le wa go ipelela maduo a baithuti a dikole tseo.
By Sebofo Motshwane Wed 16 Nov 2016, 15:59 pm (GMT +2)
Mmegi Blogs :: A go a nyalana?








Ga go bolelwe gore moletlo o ne o tshwerwe leng, fa e se fela gore, ke tiro e kompone ya Majwe Mining, e ntseng e e rotloetsa mo dingwageng tse nne tse di fetileng. Go tlaa raya gore, lenaneo le, le simologile ka ngwaga wa 2013.

Ka gale, fa bana ba tshwere tiro, ba a tle ba eletse gore mogolo mongwe a tle tirong eo, go tla go ba tiisa moko, kgotsa go ba latlhelela lefoko lengwe, le ba ka le tsayang mhago.

Go utlwala gore go ne ga nna jalo le ka moletlo ole wa Jwaneng. Ga twe kwa tirong eo, go ne go le Ratoropo wa Jwaneng Rre Oodira-Kwenje. Motswana a re ntsa/ntswa go fiwa teleki, (e e lelekang) a raya gore, motho kana ngwana, go fiwa yo o tlhaga, yo e reng a rongwa, a dire a tlhagafetse.

 Ngwana yo, ke ene yo e tlaa reng go jewa a gopolwe pele. Mme e seng  e le dijo fela, le mo go tse dingwe, tse dintle, go nne go gopolwe ene pele ga ba bangwe. Jalo he, a se ka a ya gope kgakala Ratoropo. A lebogela Majwe Mining tiro e ntle e e ntseng e e dira ya go thusa puso go tlhatlosa maduo a dikole tsa Jwaneng.

Ga twe o ne a re, fa e sale Majwe Mining e itshwaraganya le puso go abela baithuti dimpho, maduo a dikole tseo a tokafetse thata.

A ntsha dipalo tse di supang gore, go tswa 2013 go tla go tla go fitlha ngwaga ono, maduo a dikole tseo a ntse a gola jang. Ya nna dipalo tse tota di nametsang. Ga twe le se se neng se ntse se le kwa tlase ga tsone tsotlhe, sa Kgalagadi, ga bonala fa le sone maduo a sone a tokafetse.

Go bolelwa fa a ne a fetela pele Ratoropo, a kopa dikgwebo tse di ikemetseng ka nosi gore, le tsone di eme ka dinao, di thuse go godisa thuto ya bana. Ya nna mafoko a mantle. 

Ga ba a re noka e tlala ka melatswana? Fa melatswana eo e se yo, noka e ka tshelwa eng?

Re utlwa gape fa kwa moletlong ole, go ne go le mopalamente wa kgaolo ya Jwaneng – Mabutsane, Rre Shawn Nthaile. Go bolelwa fa a ne a gata mo motlhaleng wa ga Ratoropo,

Banners

le ene a lebogela Majwe  Mining tiro e ntle e go begwang fa e ntse e e dira.

Kwa ntle ga ga Ratoropo le mopalamente, go begwa fa gape kwa moletlong ole, go ne go le mogolwane wa Majwe Mining Joint Venture, Rre Rod Fraser. Fela jaaka ba bangwe, le ene a nna le le a le latlhelang.

Ga twe ene a bolela fa lenaneo la bone le dikole tsa Jwaneng le wela ngwaga ono kgwedi  ya Mosetlha e fela. A re, go botlhokwa go itumelela tiro e bone le dikole tsa Jwaneng ba e dirileng ka jaana maduo a tokafetse.

Pego  ya re, a tswelela a re, le fa gone moletlo e ne e le wa bofelo, o tshwanetse go itumelelwa, e seng go hutsafalelwa, ka tiro ba e dirile le motlhala wa bone o a bonala.

Fa e ntse e tsweletse e bega ka fa Rre Rod Fraser a neng a bua ka teng kwa moletlong ole, Dikgang/Daily News (Phalane 18 2016) ya re;

‘…..o ne a tlhalosa fa lenaneo la bone la go dirisanya le dikole tsa Jwaneng le Maokane e le nngwe ya tse ba ipelang ka yone jaaka konteraka ya bone le moepo wa Jwaneng e fela kgwedi e e tlang e ya fifing.’

Jaaka fa re setse re utlwile, temana e re e inotseng e, e bua ka lenaneo le ka lone, Majwe Mining e ntseng e thusanya le dikole tsa Jwaneng le Maokane go tlhabolola maduo a dikole tsa kgaolo eo.

Temana e simolola e bua ka lenaneo mme fa e ntse e tsweletse, ya re ‘….. e le nngwe ya tse ba ipelang ka yone…..’

Gone fa, re ka botsa potso gore, fa go twe ‘nngwe’ go bo go twe ‘yone,’ go buiwa eng? A go ntse go buiwa ka lenaneo lele, kana ka sengwe se sele? Fa karabo e ka re, go buiwa ka lenaneo lele, a e tlaa bo e e siame? A re bua jalo re re, ‘lenaneo ke nngwe …..yone…..?’ A go a nyalana kana go a dumalana? Mmualebe ene a re, ga go nyalane; ga go dumalane.

A re, tsela nngwe ya go bua/kwala sentle ke gore, re re, ‘lenaneo …..ke lengwe la mananeo a re ka ipelang ka one’ e seng gore, re re, ‘…..nngwe…..yone’ mme gone re bua ka lenaneo.

motshwanes@yahoo.com

Subscribe to our Newsletter
Banners
Banners
Banners


Mmualebe
Wed 16 Nov 2016, 15:59 pm
Wed 19 Oct 2016, 18:24 pm
Wed 12 Oct 2016, 18:22 pm
Wed 05 Oct 2016, 16:32 pm
Wed 21 Sep 2016, 17:26 pm
Wed 14 Sep 2016, 16:34 pm
Wed 07 Sep 2016, 15:41 pm
Wed 31 Aug 2016, 15:50 pm
Wed 24 Aug 2016, 15:07 pm
Wed 17 Aug 2016, 16:53 pm
Wed 10 Aug 2016, 15:49 pm
Wed 27 Jul 2016, 14:03 pm
Wed 13 Jul 2016, 15:56 pm
Wed 06 Jul 2016, 14:54 pm
Wed 29 Jun 2016, 14:52 pm
Wed 22 Jun 2016, 15:29 pm
Wed 15 Jun 2016, 17:01 pm
Wed 08 Jun 2016, 16:26 pm
Wed 01 Jun 2016, 14:57 pm
Wed 25 May 2016, 17:42 pm
Wed 18 May 2016, 16:06 pm
Wed 27 Apr 2016, 11:51 am
Wed 20 Apr 2016, 15:19 pm
Wed 13 Apr 2016, 15:29 pm
Wed 06 Apr 2016, 14:41 pm
Banners
Banners
Exchange Rates
FOREIGN EXCHANGE: Wednesday, 17 Jan 2018
FOREIGN / PULA
PULA / FOREIGN
1 USD = Pula   9.7656
1 GBP = Pula   13.4590
1 EUR = Pula   11.9617
1 YEN = Pula   0.0882
1 ZAR = Pula   0.7938
1 Pula = USD   0.1024
1 Pula = GBP   0.0743
1 Pula = EUR   0.0836
1 Pula = YEN   11.34
1 Pula = ZAR   1.2597
Subscribe to our Newsletter
have a story? Send us a Tip
Banners
  • Previous
    Solo: A Star Wars Story
    Next
    Masa Centre
    ::: Friday 25 May - Thursday 31 May :::
    Solo: A Star Wars Story
    Deadpool 2
    Life of the Party
    Sherlock Gnomes
    Avengers: Infinity War
  • Previous
    Deadpool 2
    Next
    Riverwalk
    ::: Friday 25 May - Thursday 31 May :::
    Deadpool 2
    Solo: A Star Wars Story
    Sherlock Gnomes
    Avengers: Infinity War
  • Previous
    Life of the Party
    Next
    Gamecity
    ::: Friday 25 May - Thursday 31 May :::
    Life of the Party
    Solo: A Star Wars Story
    Deadpool 2
    Sherlock Gnomes
    Avengers: Infinity War
Selefu
BDP Chairman
Banners
Banners
istanbul escort