Mmamphorwana maatlhamela babolai

Baithuti ba basetsana ba lefatshe la Botswana ba tshwana fela le mamphorwana maatlhamela babolai. Ga ba a sireletsega gotlhelele ka e a re fela ba bona banna, bogolo jang ba ba tumileng ka maemo a bone mo setshabeng jaaka mapalamente, makhanselara, bagolo ba dikompone, masole, mapodise le boradikhombi ba gololesege ka ba itse ba e le batsadi ba bone. Go ntsha monyenyo wa go itumelela batsadi ga basetsanyana go supa sentle gore ke mmaba mo go bone, ka jaanong bagolo ba raga mabati a dikole go tsenelela baithuti mo matlong a borutelo go ba dirisa mo thobalanong. Mmegadikgang wa Naledi TEICHLER RANKOA, a re ka ntlha ya bokoa jwa melao e e sireletsang moithuti (ngwana wa mosetsana)mokgwa o o maswe o tsweletse ka go babalela bana jaaka molelo o oja naga mariga. Dikoloi ka mefuta le dikhombi di bonwa letsatsi le letsatsi di folosa di pega baithuti ba basetsana.