A banna ba dilalome ba sekisiwe � Khama

Dilalome tse gape ga di tlhabiwe ke ditlhong go tsenelela basetsanyana ba mo dikolong. Se jaanong se pateleditse tautona wa Botswana, Lt General Ian Khama, go bula molomo go kgala thata mokgwa o, le go kopa gore botlhe banna ba ba dirang jaana ba sekisiwe.

Morago ga gore mokhanselara a dirisane le mosetsanyana wa sekole mo go tsa thobalano, go lebega okare puso e goga dinao, bogolo jang phathi e e busang ya Domkraga (BDP) e mokhanselara yo eleng leloko la yone, Batswana ba ne ba ema ka dinao ka lentswe le lengwe go kgala mokgwa o wa go dirisa bana ba basetsana mo thobalanong.