Magotswana a supana ka menwana

Babelaelwa  ba ne ba le mo tshekong ya go thuba ntlo le go utswa bosheng  fa pele ga ga Mmakaseterata Keneilwe Koobake wa lekgotla la Letlhakane. Go bolelwa fa e rile ngogola ba thuba  ba  bo ba utswa dithoto tse di farologanyeng tse di akaretsang dibalamakgolo le diaparo, tse eleng  tsa ga  Christopher Mokgweng wa Phase 2 mo Letlhakane.

Mo tshekong e e neng e tsamaisiwa ke Sergeant Ogone Motsholathebe wa kampa ya Letlhakane, mosekisiwa wa ntlha, Mokgalo o ne a ganetsa gotlhelele a re  ba bopelwa  kgomo ya mmopa ka mabaka  a ba sa a tlhaloganyeng. Ka fa letlhakoreng le lengwe ba bosekise  ba ne ba ipapanne ka bosupi jo bo popota le go supa  dithoto tse ba reng ba ne ba di tsaya kwa bonnong jwa basekisiwa ka nako ya ditlhotlhomiso.