O disa poo ka go fitlha dinala

Letlhoano o lebisitswe molato wa go itaya monna mongwe yo lekgotla le utlwaletseng fa a ne a belaelwa fa a ratana le nyatsi ya gagwe. Molato o Letlhoano a o lebisitsweng o kgatlhanong le temana ya bo 230 (1) ya melao ya Botswana.

Mosekisiwa o ne a emetswe ke mmueledi Liberty Nleya go tswa kwa babueleding ba Nleya Attorneys. Ka nako ya tsheko mmueledi wa mosekisiwa o ne a tlhokoditse loleme phetelela  ka mabaka a go kgaratlhela gore lekgotla le tlhoke Letlhoano molato le bo le mo golole. Mme mosekisi wa puso, Sejane Mpho Basebi wa sepodisi sa Orapa, a bo a ipapanne  ka  bosupi jo bo nonofileng kgatlhanong nae.