Mmegi Blogs :: Wena wa re ke eng?
Banners
Banners
Banners
Banners
Last Updated
Friday 16 November 2018, 11:44 am.
Banners
Wena wa re ke eng?

Ditlhare ke dingwe tsa dilo tse di tshegeditseng botshelo jwa motho le jwa yone phologolo tota. Diphologolo di hula bojang le ditlhare e le dijo tsa tsone. Dinonyane di aga dintlhaga mo ditlhareng, go beela mae le go godisetsa bana mo go tsone.
By Sebofo Motshwane Wed 09 Mar 2016, 18:32 pm (GMT +2)
Mmegi Blogs :: Wena wa re ke eng?








Batho le bone ba dirisa ditlhare ka tsela tse dintsi tse di farologanyeng.

Ditlhare dingwe jaaka morula, mmilo, motlopi, go jewa maungo a tsone. Tse dingwe go betliwa ka tsone, go betliwe dikika, metshe, dintshwana le dilo tse dingwe tse dintsi. Fa re aga, le gone re ntse re dirisa ditlhare, re reme maotwana, ditlhomeso, mepako, re bo re reme/iteye kgobati. 

Ditlhare di thusa gape ka ditsela tse dingwe tse dintsi. Di thibela mmu go tsewa ke phefo le go gogolwa ke metsi fa pula e na.

Ka dikala le matlhare a tsone, di dira sekhukhu se se sireletsang mmu go babalelwa ke mogote o o bogale jaaka o re o bonang gompieno.

Godimo ga tse tsotlhe, ga twe ditlhare di thusa go nesa pula. Ba ba itseng ba re, mafelo a a nang le ditlhare tse dintsi, a newa ke pula e ntsi go feta a a se nang ditlhare; ba re, a a se nang ditlhare one, pula ya one e motlhofo.

Dilo tse tsotlhe di supa gore, kwa ntle ga ditlhare, botshelo ga bo ka ke jwa nna monate kgotsa jwa nna sentle.

Fa go ne go se na ditlhare, re ka bo re e ja morula, mmilo, moretlwa, le a mangwe maungo re a tsaya kae? Maotwana a matlo, ditlhomeso le tsotlhe tse re agang ka tsone, re ka di tsaya kae?  Fa go ne go se na ditlhare, dinonyane di ka bo di aga kae? Ga re itse.

Fela Motswana a re, a botshelo ga a site, go sita a loso. Gongwe maano mangwe a go bona dilo tse, a ne a ka nna teng.

Mme ka fa re bonang ka teng gompieno, fa ditlhare di ne di se yo, botshelo bo ne bo ka nna thata, jwa se ka jwa nna monate jaaka re bo bona. Jaanong o tlaa botsa gore kgang ya rona e gogela kae? O botse gore, a kgang ke ka ditlhare kana ke ka eng? Kgang gompieno motho wetsho ke ka lefoko lengwe o tlaa kopana le lone fa re ntse re tsweletse.

Ga twe e rile ka kgwedi ele ya Hirikgong, mopalamente wa Bobonong, a abela dikgotla dingwe koo ditlhare.

Pego ya re, a re o ne a aba ditlhare tse, ka a ne a sale a solofeditse dikgotla tseo go di lemela ditlhare, jaanong a ne a diragatsa tsholofetso eo.

Go utlwala fa e ne e

Banners

se la ntlha tona a aba ditlhare kwa Bobonong ka o ne a setse a kile a abela dikgotla dingwe gone koo. Go begwa fa mopalamente a ne a se ka a felela fela mo go abeng ditlhare.

Ga twe  o ne a supa fa go lema ditlhare go le botlhokwa ka e le tsela nngwe ya go baakanya loapi lo lo setseng lo kgotlelesegile. A fetela pele a kopa morafe go aga maobo mo dikgotleng tsa bone.

Potso ke gore, ke eng mopalamente a batla go agiwa maobo?

Karabo ke e. Fa e bega ka tiro ya go aba ditlhare, Dikgang/Daily News (Dikgang Labobedi Hirikgong 12 2016) ya re;

‘Mopalamente wa Bobonong…..o abetse dikgotla tsa Dandane, Serumola le Sekoba kwa Bobonong ditlhare tsa meriti ka bosheng.’

Ke eo karabo.

Ga twe mopalamente o ne a aba ditlhare tsa meriti.

Godimo ga moo, a kgothatsa morafe go aga maobo mo dikgotleng go dira moriti, o e tlaa reng bagolo ba ile go amogela, ba tshabele letsatsi mo go one.

Lefoko ‘moriti/meriti’ le re gorosa kwa re go yang.  Lefoko le, le dirisitswe mo pegong ele ya tiro ya go aba ditlhare. Batho bangwe e a re boemong jwa moriti/meriti, ba dirise lefoko ‘moruti/meruti.’ 

Ba bangwe ba gane ba re, lefoko le, ga le a tshwanela.  Ba re moruti ke motho yo o rutang, e seng kwa re tshabelang letsatsi teng. Ba re koo gone ke moriti.

 Ka e a re se tlala se segelwe banneng, ba re dumelang gore ba itse Setswana go re feta, bone ba reng? Thanodi ya Setswana ga e na lefoko ‘moriti’ mme fa e tlhalosa ‘moruti’ ya re, ‘fa go khurumeditsweng ka sengwe go se na lesedi kana letsatsi.’ Fela jalo, Setswana-English Dictionary ga e na ‘moriti,’ mme fa e tlhalosa ‘moruti’ ka Sekgoa ya re, ‘same as moriti, a shade, a shadow.’

Ka fa thanodi tse pedi tse di tlhalosang ka teng, re tlaa tsaya gore mafoko a, a raya selo se le sengwefela. Gongwe pharologanyo e ka nna fela gore, rona re tlwaetse go bua jang.

Mongwe o ka tlwaela gore a re moriti, e re go twe moruti, a bone go sa siama. Yo mongwe ene ka o tlwaetse gore moruti, a bone go bua jalo go siame. Ga re itse. 

A re utlwe ka koo. Wena wa re selo seo ke eng, moruti kgotsa moriti? motshwanes @ yahoo.com

Subscribe to our Newsletter
Banners
Banners
Banners


Mmualebe
Wed 09 Mar 2016, 18:32 pm
Wed 02 Mar 2016, 15:03 pm
Wed 24 Feb 2016, 13:12 pm
Wed 17 Feb 2016, 15:54 pm
Wed 10 Feb 2016, 17:30 pm
Wed 03 Feb 2016, 17:51 pm
Wed 27 Jan 2016, 15:23 pm
Wed 20 Jan 2016, 15:29 pm
Wed 13 Jan 2016, 15:03 pm
Wed 16 Dec 2015, 15:51 pm
Wed 02 Dec 2015, 15:11 pm
Wed 25 Nov 2015, 15:29 pm
Wed 18 Nov 2015, 15:19 pm
Wed 04 Nov 2015, 16:27 pm
Wed 28 Oct 2015, 14:54 pm
Wed 21 Oct 2015, 16:25 pm
Wed 14 Oct 2015, 15:00 pm
Wed 07 Oct 2015, 16:11 pm
Wed 23 Sep 2015, 16:50 pm
Wed 16 Sep 2015, 16:29 pm
Wed 09 Sep 2015, 18:17 pm
Wed 02 Sep 2015, 15:15 pm
Wed 26 Aug 2015, 17:33 pm
Wed 19 Aug 2015, 17:28 pm
Wed 05 Aug 2015, 17:25 pm
Banners
Banners
Subscribe to our Newsletter
have a story? Send us a Tip
Banners
  • Previous
    Next
    Masa Centre
    ::: Saturday 17 Nov - Saturday 17 Nov :::
  • Previous
    Next
    Riverwalk
    ::: Saturday 17 Nov - Saturday 17 Nov :::
  • Previous
    Next
    Gamecity
    ::: Saturday 17 Nov - Saturday 17 Nov :::
Selefu
Tla gae! Ke sharpo.
Banners
Banners
istanbul escort