Mmegi Blogs :: Lenatetshapuo leo le fapositswe
Banners
Banners
Banners
Banners
Banners
Last Updated
Tuesday 17 September 2019, 18:10 pm.
Banners
Lenatetshapuo leo le fapositswe

Tsela nngwe e puso e lekang go inola Batswana mo lehumeng ka yone ke go tlhokomela bana ba metse e e kgakala le ditlamelo.
By Sebofo Motshwane Wed 10 Jun 2015, 15:30 pm (GMT +2)
Mmegi Blogs :: Lenatetshapuo leo le fapositswe








Tiro e, e dirwa ke lekalana la boipelego, le le ka fa tlase ga khansele. Bana ba fiwa dijo, diaparo le paka ya sekole.

Nako nngwe go a tle go nne le selelo sa gore bana ba, ga ba bone tse di ba tshwanetseng sentle. Go twe, dilwana tse, di diega go tlisiwa. Go bo go raya gore, fa dilo tse di ise di tle, bana ga ba tshele sentle. Ga ba na se ba se jang le se ba se aparang. Go nne thata.

Go ya ka pego nngwe, go lebega fa kwa sekoleng sa Xakao, kwa Okavango, selelo se, se se yo.

Go bolelwa gore, e rile ka Tlhakole monongwaga, badiredi bangwe ba khansele ya Bokone Bophirima, ba etela sekole se go utlwa gore bana koo ba tsoga jang. 

Pego e bolela fa badiredi ba ba ne ba itumelelwa thata. Ga twe ba ne ba bolelelwa fa khansele e dira ka natla ka jaana dilwana tsa bana di goroga ka nako.

Le fa go ntse jalo, go utlwala fa bana bangwe ba amogwa dilo tse ke batsadi.

Ga twe fa dikole di bulwa, bana bangwe ba tla ba apere makgasa, ba bangwe ba apere diaparo tse di ba fetang mme gone ba ne ba ile gae ka tse di siameng. O ke mokgwa o o maswe o batsadi ba tshwanetseng go o latlha. Fa ba batla diaparo, a ba eme ka diano ba ipatlele tsa bone e seng go tseela bana.

Fa e bega ka fa modiredi mongwe wa boipelego a neng a bua ka teng go akgola khansele, Dikgang/Daily News (Dikgang  Labone Tlhakole 19, 2015) ya re;

‘A re mabela ga se a maloba ka jaana le dijo mo matlong a borobalo di goroga ka nako e bile seshabo se nna se le teng.’

A e ne e le mafoko a go akgolela khansele tiro e ntle e e e dirang mme fela, a se ka a wela sentle ka gore go twe, mabela ga se a maloba.  Potso fa ke gore, lenatetshapuo le, le raya eng? A e re pele ga re araba potso e, re utlwe gore mabela one ke eng?

Thanodi ya Setswana ya re mabela ke mokgwa wa go ipona botoka mo go ba bangwe ka go ikgogomosa. Mongwe o ka botsa gore go ikgogomosa gone ke eng? E ntse e le Thanodi ya re go ikgogomosa ke go itseela kwa godimo, go ikgodisa.

Go ntse jalo. Ka Setswana, motho yo o mabela ke motho yo ka tsela nngwe

Banners

a iponang a le botoka mo go ba bangwe; a ipona a na le sengwe se se mo tlotlomatsang, se mo godisa, go feta batho ba bangwe.

Jaanong fa go twe mabela ga se a maloba, go raya eng? Fa Motswana a re mabela ga se a maloba, o raya gore motho ga a sa tlhole a le mabela jaaka pele.

O raya gore, dilo dingwe tse motho yoo a neng a ntse a ikgodisa, a ikgantsha ka tsone, di mo latlhegetse.

Re itse gore fa motho a sale mmotlana (monana) o a tlolaka, a ye kwa le kwa, a dire sele le sele ka mmele o a bo o sa ntse o le tlhaga. Bangwe e re motho a gata, a ikutlwe e kete ke ene fela mo lefatsheng. Mme fa motho a ntse a gola, mmele o a koafala, o felelwe ke natla.

Puo ya gore mabela ga se a maloba, re e utlwa thata ka bagolo ba itlhobosa gore thata ele e ile, e fedile.

Ka mmele o lapile, ga ba sa tlhole ba dira dilo dingwe tsa malatsi ale a bonyana jwa bone.

Gongwe motho e ne e le sebini sa borankana, gongwe  e le mohudi wa tlhobolo, mme ga a sa tlhole a kgona go dira jalo ka jaanong o godile. Mme ke gone a re mabela ga se a maloba.

Fa godimo fale go buiwa ka bana ba ba tlhokomelwang ke khansele.

Re dumela gore e a re fa dilwana tsa bana ba di goroga, go nne boitumelo bo bogolo, di itumelelwe ke botlhe. A jaanong re ka bolela boitumelo bo ka gore re re mabela ga se a maloba? A go a nyalana?

Go tlhokomela bana ke tiro e e itumedisang, e e monate. Gore e re go buiwa ka yone go bo go twe mabela ga se a maloba, ga go nyalane.

E nna jaaka e kete motho mongwe o ne a rolwa mabela, a latlhisiwa dingwe tse a neng a ntse a ipelafatsa ka tsone ntswa go sa nna jalo. Mo go raya gore lenatetshapuo le, le fapositswe, ga le a dirisiwa sentle.

Boemong jwa gore go twe mabela ga se a maloba, gongwe go ne go ka nna botoka fa go ne go ka twe selelo ga se sa maloba, sa jale dilwana tsa bana di sa goroge ka nako.

Go bua jaana go tlaa bo go supa  sentle gore bana, le botlhe fela, ba itumelela tiro e ntle e khansele e e dirang.

motshwanes@yahoo.com

Subscribe to our Newsletter
Banners
Banners
Banners


Mmualebe
Wed 10 Jun 2015, 15:30 pm
Wed 03 Jun 2015, 15:33 pm
Wed 27 May 2015, 17:15 pm
Wed 29 Apr 2015, 17:06 pm
Wed 18 Mar 2015, 12:52 pm
Wed 18 Feb 2015, 17:55 pm
Wed 14 Jan 2015, 17:14 pm
Wed 19 Nov 2014, 16:14 pm
Wed 12 Nov 2014, 15:14 pm
Wed 05 Nov 2014, 11:50 am
Wed 29 Oct 2014, 17:25 pm
Wed 22 Oct 2014, 16:47 pm
Wed 15 Oct 2014, 16:23 pm
Wed 08 Oct 2014, 17:48 pm
Wed 24 Sep 2014, 15:42 pm
Wed 17 Sep 2014, 12:46 pm
Wed 10 Sep 2014, 12:35 pm
Wed 03 Sep 2014, 15:44 pm
Wed 27 Aug 2014, 14:53 pm
Wed 20 Aug 2014, 11:08 am
Wed 13 Aug 2014, 12:52 pm
Wed 16 Jul 2014, 11:39 am
Wed 25 Jun 2014, 15:42 pm
Wed 11 Jun 2014, 06:00 am
Wed 04 Jun 2014, 16:57 pm
Banners
Banners
Subscribe to our Newsletter
have a story? Send us a Tip
Banners
  • Previous
    Next
    Masa Centre
    ::: Tuesday 17 Sep - Tuesday 17 Sep :::
  • Previous
    X-Men: Dark Phoenix
    Next
    Riverwalk
    ::: Monday 17 Jun - Saturday 17 Jun :::
    X-Men: Dark Phoenix
  • Previous
    Next
    Gamecity
    ::: Tuesday 17 Sep - Tuesday 17 Sep :::
Selefu
Let Them Go!!
Banners

gramstalker

Banners